Mánát riŋgejedje heahtenummárii boares mátketelefovnnain.
NORDLÁNDA:
Politiijat Nordlánddas dieđihit Twitteris ahte sotnabeaivve iđit ledje muhtin mánát stoahkame boares mátketelefovnna, maid váhnemat eai šat geavahan. Dat dagahii ahte sii riŋgejedje 112-heahtenummárii 10-12 geardde moatti minuhtas.
– Dihtet go ahte telefovnnain mas ii leat sim-koartta sáhttá riŋget heahtenummárii? Jus mánát galget stoahkat telefovnnain, váldde báhttera olggos!, gohččot Nordlándda politiijat olbmuid Twitteris.