-Almmuhus-
-Almmuhus-
OĐĐASAT Muittuha ohcat heahtedoarjaga vai ruhta olle ovdal beassášbasiid

Muittuha ohcat heahtedoarjaga vai ruhta olle ovdal beassášbasiid

-

-

Beassážat lahkonit ja Eanandoallodirektoráhtta ávžžuha boazodolliid ohcat heahtedoarjagiid buori áiggis ovdal beassášbasiid vai ruđat ollejit ovdal basiid. 

Direktoráhtta dieđiha ahte boazodoallit fertejit ollet ohcat doarjaga ovdal njukčamánu 30. beaivvi vai leat sihkkarastán heahteruđaid ollet ovdal go beassášbasit álget.

Orohagat, maid heahtegearggusvuođalávdegoddi lea lohkan leat heahtedilis guohtuma ektui, sáhttet ohcat doarjaga bohccuid biebmamii. 

Eanandoallodirektoráhtta ferte ožžon fylkkamánni mearrádusa maŋemusat cuoŋománu 2. beaivvi.

– Orohat ferte dan dihte ohcat doarjaga fylkkamánnis maŋemusat njukčamánu 30. beaivvi vai sihkkarastá heahtedoarjjaruđa ovdal beassážiid. Muđuid máksit mii doarjagiid dađistaga go oažžut fylkkamánnis mearrádusaid, dadjá Seppola.

Orohagat, mat leat ohcan ruđaid heahtegearggusvuhtii, eai dárbbaš ođđasit ohcat, čállá direktoráhtta.

Doarjja mii mákso ovdal beassážiid galgá gokčat fuođđooastima mii dahkko njukčamánus.

- Advertisement -
-Almmuhus-