Njukčamánu 14. beaivvi rájes gitta njukčamánu 31. beaivvi rádjái sádde Vearroetáhta vearrodieđáhusa oktiibuot badjel viđa miljovnna olbmui Norggas.
Gaskaboddosaš logut čájehit ahte 2,9 miljovnna olbmuin lea vearru buorrin, ja ahte 900 000 olbmo bohtet šaddat máksit liigevearu.
Vaikko Vearroetáhta lea viežžan ollu dieđuid sihke sisaboađuin, mánáidgárddiin, suohkaniin ja báŋkkuin de lea aŋkke juohkehaččas persovnnalaš ovddasvástádus dárkkistit ahte buot vearrodieđut leat riekta ovdal go sádde sisa.
– Vearrodieđáhusas leat ollu dieđut, muhto eai buot dieđut. Vaikko Vearroetáhta diehtá ollu, de eat dieđe visot. Vearrodieđáhusas sáhttet boasttuvuođat dahje sáhttet váilut dieđut maid ieš fertet lasihit. Danne fertet dárkkistit ahte buot lea riekta ja rievdadit jus lea mihkkege mii váilu dahje lea boastut, ovdal sáddet dan fas midjiide, dadjá vearrodirektevra Nina Schanke Funnemark.
