-Almmuhus-
-Almmuhus-
-Almmuhus-
OĐĐASATMuitte molsut batteriijaid suovvanjurggonis

Muitte molsut batteriijaid suovvanjurggonis

-

-

Juovlamánu 1. beaivvi lei «Suovvanjurggoniid beaivi». Dat galgá muittuhit olbmuid molsut batteriijaid suovvanjurggonis.

 

Dán beaivvi ávžžuhit buohkaid iskat buot suovvanjurggoniid viesus ja maiddái molsut batteriijaid, čállá Housegard neahttasiidu. 

«Suovvanjurggoniid beaivi» lea maid čalmmusteapmi dasa ahte juovlamánu 1. beaivi lea álgu dan áigodagas goas eanemus buollimat leat.

Juovlamánus oallugat boldet ollu gintaliid, čiŋahit čuovggaiguin viesu, láibot, ráhkadit juovlabiepmuid ja dolastit.

Ollu dáin dagahit juovlamánu hui liekkusin, muhto mielddisbuktá maid ahte juovlamánus leat buot eanemus buollindáhpáhusat olles jagis.

 

-Almmuhus-