Jus mannan čavčča celket eret vuojánregistrerema, de berret muitit dan fas registreret ovdal go válddát dan fas atnui.
– Ále vajálduhte registreret fas iežat mohtorsihkkela, ássanbiilla dahje eará vuojána ovdal go válddát dan fas atnui. Vaikko biilašilttat leat alde, de ii leat lohpi vuodjit vuojániin mas leat cealkán eret registrerema. Jus mihkkege geavvá, de sáhttá dat buktit stuorra váikkuhusaid dutnje, lohká Stáhta geaidnodoaimmahaga ossodatjođiheaddji Heidi Øwre.
Jus gávnnahalat vuodjimis eretregistrerejuvvon vuojániin, de oaččut 5000 kruvnna sáhku ja šilttat duoguštuvvojit. Jus sorrot lihkohisvuhtii vuojániin mas ii leat dáhkádus, de sáhtát maid šaddat ekonomalaš ovddasvástáduslaš. Jagi 2022 čakčamánu 12. beaivvi ožžo olbmot vejolašvuođa registreret ja eret cealkit registrerema ja diktit šilttaid bissut vuojánis. Dan ovdal fertejedje olbmot doalvut ja viežžat šilttaid johtolatstašuvnnain.
Áigodatvuojána dárkkistanlistu:
* Dárkkis ahte dus lea rivttes vuodjinkoarta.
* Vuodjinvuoigatvuođat.
* Gánnáha hárjehallat ovdal go vuoddját, ássanbiillain ja mohtorsihkkeliin.
* Ále fievrret menddo olu fárrui.
* Lea go vuoján ortnegis. Dárkkis.
* Garcco gitta bođu dávviriid ovdal go vuoddját.
