Dálvedeahkaid minsttarčikŋodat galgá lága mielde golbma millimehtera.
Vaikko lága mielde galgá minsttarčikŋodat golbma millimehtera, de lohká NAF gulahallanráđđeaddi Nils Sødal ahte son ávžžuha millimehtera eambbo deahkain.
– Mii oaivvildit ahte lea measta unnán, ja mii ávžžuhit ođđa deahkaid oastit go dálvedeahkain lea njeallje millimehtera minsttarčikŋodat báhcán, lohká ráđđeaddi Sødal NAF preassadieđáhusas.
NAF dieđiha maid ahte jus deahkaid leat geavahan 4-5 dálvvi, de lea áigi molsut. Muđui lea maid áibmodeaddaga dehálaš iskat vai deahkat cokcet bures luottaid alde.
