-Almmuhus-
OAIVILATMuitosátni Morten Ruud muitui

Muitosátni Morten Ruud muitui

-

-

Lossa morrašin oaččuimet dieđu ahte min ráhkis ustit ja bargoskihpár Morten Ruud duššai gyrokopterlihkohisvuođas lávvardaga suoidnemánu 21. beaivvi 2018, čállá Barents Press Norgga stivra preassadieđáhusas. 

Morten lei máŋga jagi guovddáš olmmoš Barents Press barggus.

Sihke journalistan olu mediaásahušain Davvi-Norggas, NRK korrespondeantan Moskvas ja das maŋŋá redaktevra NRK Finnmárkkus lea Morten badjel 20 jagi duođaid áŋgiruššan Norgga-Ruošša oktavuođain davvin.

Ii liiggástala jus lohká Morten lea leamaš jođihanfápmu oažžut johtui dan erenoamáš mediaovttasbarggu Barentsguovllus. Su dihtii leage Barents Press geađgejuolgi nu nanus.

 

Hávskes ja diđolaš olmmoš

Muitui báhcá Morten utnolaš, somás, hávskes ja diđolaš olmmoš.

Son lei bázzi ja veterána, muhto geahččalii álo ovdosguvlui geahččat ja čáhkkii saji ođđa olbmuide.

Son ii ballan goassege jurddašit eará láhkai. Vaikko son lei bargan máŋga jagi norgalaš ja riikkaidgaskasaš Barents-Press stivrras, de ledje Mortenis álo ođđa ja boahtteáiggi jurdagat mo Barents-Press galggai ovdánahttit ja ođasmahttit.

 

Erenomáš kvalitehtat

Mii geat barggaimet suinna fárrolagaid, leimmet álo hirpmástuvvan man olu son máhtii Ruošša birra, máhttu maid son juogadii buohkain – seammás go guldalii ja čáhkkii saji.

Mortenis ledje erenoamáš kvalitehtat mat leat mávssolačča sihke gulahallamis, ovttasbarggus ja oktavuođain váttis geopolitihkalaš eanadagas.

Gitta maŋemussii barggaimet ovttas konkrehta ovttasbargoprošeavttaiguin ovttas beale bargoskihpáriiguin.

 

Mortena metoda čuovvu min

Justa dál orru leamen hui lossat joatkit dán barggu.

Seammás diehtit mii ahte mii livččiimet eaddudan Mortena jus mii guođđit buot prošeavttaid ja njeaidit iežamet davvi guovlluid rádjarasttildeaddji journalisttalaš ovttasbargo mihtomeriid.

Morten vuođđodovdu ja gulahallan ja ovttasbargo metoda čuovvu min viidásut.

 

Ráfi lehkos su muitui.

 

Barents Press Norgga stivra

Amund Trellevik 

Anki Gerhardsen 

Kari Skeie

-Almmuhus-