-Almmuhus-
-Almmuhus-

MUITOSÁNIT

Muitosánit Káre Jon Ásllat / Aslak Johnsen Anti

-

-

Don guđđet min miessemánu 30.b. 2024, 86 jahkásažžan. Čálistan mii munnje lea cieggan ja muittán bures mu mánnávuođas. Don ja vielljamet min Jovnna, Káre Jon Jovnna, láviibeahtti eanehis vahku vai guokte guođđit Skadjajávri Lágesduoddaris, veahkehan dihtii min vánhemiid, Biret Jon Káre Jovnna ja eatni, Dávvet Dávvet Ásllat Elle, dálodoalu Iešjogaleagi Gussanjárggas.

Vuoi go mii unnoraččat illudeimet juohke háve go iđisteigga min oapmedállui Gussanjárgii. Doai veahkeheidde bargat, ploget, geđggiid čoaggit heastta-bulkoriid ja Massey Fergoson 35X traktor-jorrii johtileappot go gii ge. Dasto muittán dego ikte go mii čivggat beasaimet dudno ja Dávvet vielja fárrui fatnasiin oaggut luosaid Iešjoga badjosiin.

Mii devddiimet measta buot fárpaliid kealláris luossa-njealjadasain. Sálteluossa bisttii dálvái, muhto unnán ávki midjiide unnoraččaide sivas dan garuhuvvan internáhta eallima borgemánus gitta geassemánnui 9 jagi, nuppiin sániin; buot min mánná- ja nuorravuođa beivviid.

Go eanabargguin ja lájuin gearggaimet, de mii traktoriin davás Lágesduoddara Skadjajávrái min Ásllaga guovtte lanjat bartii sullii 10 olbmo. Váimmut čagadalle doid áiggiid. Davvin mii vielljamet Asllagiin ja Jovnnain lupmiimet, jávrriid bivddimet geažos áigge dassá mearkun áigi ilmmai borgemánu gaskkamuttos, muhto guoržžu skuvla han ge álggii. Busse vieččai min.

Háhppeheimet várra moadde bás gárddis mannat ovdal busse piipegođii min Ásllat šiljus. Ásllat ja min Jovnna ceggiiga arvat ealu, eanemus Skandinavias ja obba máilmmis; moaddelot duháha dahje nuppelot duháha. Ásllat lei jábálaš olmmoš ja viellja. Álo mearkkui midjiide unnoraččaide. Nu dagai min Jovnna ge. Boazolihkku dat čuovvu diekkár váibmoláđis olbmuid oainnat.

Ráfi lehkos min Ásllagii, Dávvet Dávvet Ásllat Elle ja Biret Jon Káre Jovnna Ásllat.

-Almmuhus-