Ollu doarrumat leamaš mannan ija Finnmárkkus.
Mátta-Várjjagis lei dáhpáhus mannan ija maid politiijat muitalit Twitteris.
Politiijat fertejedje bissehit ovtta feasta go muhtin lei dieđihan rieja. Ovtta olbmo šadde doalvut doaktára go lei badjelmeare gárihuvván.
Hammerfeastas bidje politiijat ovtta olbmo giddagassii go lei dorron ja nihttán uksavávttaid muhtin olgobáikkis. Politiijat ásahit ášši.
Hammerfeastas gávpotguovddážis ledje doarrumat «Kaikantenis», ja politiijat bohte báikái dutkat vihtaniid.
Álttás ožžo politiijat dieđu doarruma birra studeantaásodagain guovtti dievddu gaskkas. Politiijat fitne báikkis, ja leat ovtta olbmo bidjan giddagassii.
Politiijat leat maid iskan biilavuddjiid Elvestrandas Álttás. Ii okta ge leat gárrenoaivvis vuodján biillain.
