Ávvira guollegilvu lea bistán guokte vahkku ja nuppi vahkku vuoitit leaba Mia Maren Karen Eira Karslen ja Mads Mienna.
Ávvira guollegilvu lea bistán guokte vahkku ja nuppi vahkku vuoitit leaba Mia Maren Karen Eira Karslen ja Mads Mienna.
Luossagonagas-luohká vuosttaš vuoiti, Mads Mienna, lea vuosttaš háve guoli ožžon dolgevuokkain.
Luossa goddui Álttájogas, Kilirávnnjis.
– Lea mu vuosttaš guolli maid ožžon dolgevuokkain! Ádjánin 20 minuhta oažžut gáddái.
Luossa dettii 12,4 kg ja lei 107 cm guhku, muitala Mienna.
Ávvir sádde sutnje Luossagonagas-capsa ja son lea mielde 5000 ruvdnosaš skeaŋkakoartta vuorbádeamis.
Mia Marenis lei maid guollelihkku
Guollelihkku-luohkás lea Mia Maren Eira Karlsen mearas oggon báldá ja vuittii maid dainna.
Mia Maren lea oggon bastevuokkain ja guolli dettii 2 kg. Son gottii báldá Lákkovuonas.
Mia Maren vuoitá de oaggunstákku ja Ávvira buffa.
Ávvira oaggungilvu bistá gitta borgemánu 5. beaivái diibmu 24.00 rádjái.
Gilvvus leat guokte luohká, Luossagonagas dahje -dronnet, masa ollesolbmot sáhttet searvat luosaiguin.
Váldovuoitu dán gilvvus lea 5000 ruvnno árvosaš skeaŋkakoarta, man vuorbádit buot oassálastiid gaskkas.
Nubbi luohkká, «Guollelihkku», lea mánáid várás.
Váldovuoitu das lea 1500 ruvdnosaš skeaŋkakoarta man vuorbádat buot oasseváldiid gaskkas.
Dán luohkás vuorbádat maid oaggunstákku vahkkosaččat, sin gaskkas geat dan vahku leat oassálastán.
Ávvir sávvá goappašagaide olu lihku vuoittuiguin!
