-Almmuhus-
OĐĐASATMortensen áidna ohccin NRK Finnmark guovlluredaktevran

Mortensen áidna ohccin NRK Finnmark guovlluredaktevran

-

-

Robin Mortensen lea áidna ohcci guovlludirektevravirgái NRK Finnmark:as.

Golggotmánu 12. beaivvi dievai áigemearri ohcat guovlluredaktevravirgái NRK Finnmark:i. 

Ohcciid listtus ii leat go okta ohcci, ja leage sámesogalaš Robin Mortensen. Mortensen konstituerejuvvui dán bargui maŋŋil surgadis lihkohisvuođa mas ovddeš guovlluredaktevra Morten Ruud duššai mannan geasi.

– Lean ohcan bargui go mu mielas lea gelddolaš bargat redaktevran, ja lean bargan redaktevran surgadis lihkohisvuođa rájes, de dieđán maid barggu ovddasvástádusa birra. Leat leamaš somás barggut, ja lean eambbo hálidišgoahtán bargat fásta. NRK Finnmark:s leat jođus olu gelddolaš doaimmat maid mun háliidan leat mielde jođihit, lohká Mortensen Medier24:i.

NRK Nord-Norge regiovdnaredaktevra Tone Kunst lohká ahte sii sávvet virgádeapmi lea gárvvis olu ovdal juovllaid. 

 

 

-Almmuhus-