-Almmuhus-
VALÁŠTALLANMorten Pedersen FA Sámi hárjeheaddjin

Morten Pedersen FA Sámi hárjeheaddjin

-

-

FA Sápmi dieđihii dan birra odne, mánnodaga.

FA Sápmi dieđiha preassadieđáhusa bokte ahte Conifa spábbačiekčamiid oktavuođas váldohárjeheaddjin vuolgá Morten Pedersen, gii ovdasta TIL – Romssa spábbačiekčanjoavkku.

Jonas Kurak galgá leat Morten Pedersenii veahkkehárjeheaddjin čiekčamiid oktavuođas.

– Mii leat nu rámis go leat ožžon dán guokte hárjeheaddji min jovkui, juogada dovdduid FA Sámi várrepresideanta ja valáštallanjođiheaddji Elin Nicolaisen.

Morten Pedersen lei jo ovdal FA Sámis mielde.

– Mun lean rámis go mus jerre fas álgit Sámi riikajoavkku jođiheaddjin. 2008:s mun ledjen álgooasis iežan hárjeheaddjekarriearas go vásihin leahkit Sámi riikajoavkku hárjeheaddjin Viva World Cup čiekčamiin Jielleváris. Dalle olaheimmet goalmmát saji maŋŋá go vuittiimet bronsafinála Kurdistána vuostá. Go ožžon jearaldaga ođđasit, de lei dehálaš munnje soabadit bargoaddiin Romssa Valáštallanservviin, lohká Pedersen.

 

Conifa Máilmmimeašttirgilvu spábbačiekčamis dahje World Football Cup lágiduvvo dán jagi Abkhasias miessemánu 28. beaivvi rájes geassemánu 5. beaivvi rádjái.

 

Čiekčamiin meilde leat:

Abkhazia

Chagos Islands

Kurdistan

Northern Cyprus

Padania

Panjab

Raetia

Romani People

Sápmi

Somaliland

United Koreans in Japan

Western Armenia

-Almmuhus-