Varanger Kraft Entreprenører molsugoahtá dál geaidnočuovggaid Unjárgga girkobáikkis.
Čuovvovaš vahkkuid sii bidjet ođđa LED-čuovgadolliid čuovgastoalppuide. Dán barggu dihte geaidnočuovggat jáddaduvvojit muhtin áigodagaid, boahtá ovdan Unjárgga gieldda siiddus. Maŋŋá go leat geargan molsumis čuovggaid girkobáikkis, de molsugohtet čuovggaid Soltunvegenis ja Tangnesvegenis. Dan maŋŋá molsojuvvojit čuovggat earret eará muhtin bussebisánansajiid buohta. Dál vuoruhuvvojit bussebisánansajit maid skuvlamánát geavahit. Oktiibuot molsojuvvojit 150 čuovgga. Danin muhtin áigodagaid leat iešguđet sajiin geaidnočuovggat jáddaduvvon.
