Dánska fitnodat registrerii jagi 2005 sáni «samer» gálvomearkan dánska pateanta- ja gálvomearkkaásahusas. Dasa ii leat Sámeráđi presideanta Áile Javo mielas.
Dánska fitnodat registrerii jagi 2005 sáni «samer» gálvomearkan dánska pateanta- ja gálvomearkkaásahusas. Dasa ii leat Sámeráđi presideanta Áile Javo mielas.
Danmárkkus buvttada fitnodat Steen Bjørvig giehtabáttiid mat leat hervejuvvon datneárppuin, čállá Sverigesradio.se.
– Ii dohkálaš
Lea čikŋafitnodat BeChristensen mii vuovdá iežaset datneárpogiehtabátti čoakkáldaga dainna namain.
– Sii vuvdet buktagiid dego livčče sámi duodji, mii dat ii leat, ja dat ii leat dohkálaš. Mun in ádde, mii gaskkustat kreatiivvalaš duoji mii lea sápmelaččaid ealáhus, lohká Sámeráđi presideanta Áile Javo.
( Ášši joatká gova vuolábealde)
– Buoridan duoji
Fitnodaga eaiggát Steen Bjørvig galledii davvi Ruoŧa moaddelot jagi dás ovdalis ja oinnii sámi duoji. Bjørvig lohká iežas ovttasbargan sápmelaččaiguin dan guovllus ja nu sii leat ovdánahttán dáid klassihkalaš giehtabáttiid. Muitala sii muitalit sápmelaččaid birra ja mo BeChristensen lea buoridan dan duoji, iige ádde manne sápmelaččain dál, 11 jagi maŋŋá, ráhkadit diekkár hirbmat rieja.
Ii suodjalus «samer» nammii
Ruoŧa pateanta ja registrerenásahusa guovllujurista, Gustav Melander, ii loga gávdnot makkárge suodjalus sátnái «Samer» nu go almmolaš doahpagiidda ja namaide. Muhto gálvomearkavuoigatvuohta ii atte áidnavuoigatvuođa nammii. Melander oaivvilda «Samer» ii sáhtášii registreret gálvomearkan Ruoŧas, muhto ii leat áibbas sihkkar. Čilge ahte jus áigu čilget sámi árbevirolaš duoji, de ii guoskka dat gálvomerkii go ulbmil ii leat ávkkástallat gálvomearkka nama.