Biebmobearráigeahčču lea ásahan 10 km avádaga Jiehkervutnii Romssa fylkkas ILA luossadávdda vuostá. Sátnejođiheaddji balaha bargosajiid gielddas.
Goasii olles Jiehkervuotna Romssas sáhttá bidjot eret geavahusas olles jahkebeallái maŋŋel go suoidnemánu 2.beaivvi dihttui luossadávda ILA muhtin guollebiepmanrusttegis.
Hehttendihte njoammuma lea Biebmobearráigeahčču ásahan 10 kilomehteris avádaga, čállá NRK.
Produseatna Mowi Kvænangen almmuha ahte Biebmobearráigeahču jođánis doaibmabiju dihte eai beasa sii šat ođđa guliid deavdit rusttegiidda, mii mielddisbuktá ahte lagabui 30 bargi masset barggu 12-15 mánnui.
Oaivvilda menddo garrasit reageren
Sátnejođiheaddji Eirik Losnegård Mevik (Bb) oaivvilda Biebmobearráigeahčču lea menddo garrasit reageren dál maŋŋel go Norga moitojuvai menddo njozet reageren go njoammu luossadávda leavva.
– Dát sáhttá čuohcat bargosajiide, dadjá Mevik.
– Dás lea sáhka suohkana vearrodietnasis, ahte leat mánát mánáidgárddiin, ahte spábbačiekčanjoavkkuin leat čiekčit. Dás lea sáhka das mii ráhkada buori báikkálaš servodaga, joatká sátnejođiheaddji.
Biebmobearráigeahčču dadjá NRKi ahte sii eai sáhte vástidit gieldda kritihkii luopmoloahpaheami dihte.
©NTB
