Kárášjoga gielda deavdá boahtte jagi 150 jagi, dan oktavuođas dáhttu gielda veahki gieldda ássiin.
Kárášjoga gielda deavdá boahtte jagi 150 jagi, dan oktavuođas dáhttu gielda veahki gieldda ássiin.
2016:s deavdá Kárášjoga gielda 150 jagi, ja gieldda bealis háliidit diehttelasat čalmmustahttit dan.
Muhto mo galgá ávvudit dákkár dáhpáhusa? Dan ii leat nu álki fuomášit, danne bivdet ge álbmoga veahkkin fuomášit ávvudanvugiid.
Ávvudit jagi
Kárášjoga gielda háliidivččii miehtá boahtte jagi ávvudit gieldda. Mannan vahkkus lágidii gielda guokte diibmosaš čoahkkima gos gielddaássit besse buktit jurdagiid mo sáhtašii ávvudit gieldda. Dál lea čoahkkáigeasu gárvvis, dan gávnnat dáppe.
– Ráđđealmmái gieđahallá árvalusaid ja ráhkada dáid vuođul aktivitehtakalendera boahtte jahkái, čállá gielda neahttasiiddustis.
Jus dus ii lean dilli searvat mannan vahko čoahkkimii, de lea liikká vejolaš buktit ávvudanárvalusaid. Daid sáhtát sáddet postmottak@karasjok.kommune.no e-poastačujuhussii ja merket «Kárášjohka 150 jagi».
