-Almmuhus-
OĐĐASAT Ministtar bovde čoahkkimii 

Ministtar bovde čoahkkimii 

-

-

Guolástandirektoráhtta lea dássážii dán jagi ožžon badjel 30 raportta main dieđihuvvojit badjel 280 000 luossagárgideami. Dál áigu guolástus- ja mearraministtar doallat čoahkkima dan birra ja gávdnat dasa čovdosa.

Logut čájehit ahte 2019 lea dat jahki go leat leamašan eanemus luossagárgideamit jagi 2011 rájes. Dál lea guolástus- ja mearraministtar, Harald T. Nesvik,  bovden ealáhusa čoahkkimii, gos háliida gávdnat čovdosa movt oažžut daid loguid njiedjat. Ovddasteaddjit Sjømat Norges, Sjømatbedriftene, Kystrederiet ja Norsk Industri leat bovdejuvvon čoahkkimii Osloi. 

Guolástanministtar oaivvilda ahte logut leat beare alladat, ja dadjá ahte son vuordá ahte ealáhus bargagoahtá áššiin oažžun dihte loguid vulos. 

– Mii fertet bargat vel garraseappot dan ovddas ahte luossagárgidanlogut njidjet. Dan dihte bovden ealáhusa čoahkkimii vai sáhttit ovttas gávdnat čovdosa dasa, dadjá guolástus- ja mearraministtar Harald T. Nesvik preassadieđáhusas.

- Advertisement -
-Almmuhus-