Suoma Eana- ja Vuovdedoallominister lea čoahkinásten Ohcejogas beaivvi. bivdovuoigatvuođalaččain ii asttan eambbo 15 minuhta humihit, muhto son lohpidii gal juoidá.
Suoma Eana- ja Vuovdedoallominister lea čoahkinásten Ohcejogas beaivvi. bivdovuoigatvuođalaččain ii asttan eambbo 15 minuhta humihit, muhto son lohpidii gal juoidá.
– Jus Norggabeale eiseválddit áigot geahčadit ođđasiid soahpamuša, de gal jáhkán mun ahte Suoma ráđđehus čuovvola dan, dat lea čielggas, logai Suoma Eana- ja Vuovdadoallominister, Jari Leppä, Ávvirii ovdalaš go šattai vuolgit.
Dan seamma lohpádusa son attii čoahkkinoasseváldiide maid.
Ođđa dieđut
Leppä muitalii iežas olles beaivvi čoahkinásten Ohcejoga gielddain. Son muitala ahte son lea ožžon ođđa dieđuid deanu soahpamuša birra dan tuvrras.
– Mun lean gullan dál ahte soahpamuš galgá rihkkut lágaid, ja dat lea čielggas daid dieđuid ferten mun de fievrredit ministeriijai, muitálii son ovdal viehkalii.