Guokte Min Boazu AS inkassogáibádusain leat duorastaga sihkastuvvon, ja rehkegat galget dalle leat mákson.
Gaskavahkku 30.01.19 almmuhii Ávvir ášši Min Boazu AS birra go lea gártan inkássovelggiid vuollái.
Duorastaga iđđedis, ođđajagimánu 31.beaivvi diibmu 8.45, čájehuvvui ahte dat njeallje vealggi ledje ain mávssekeahttá, muhto seammá beaivvi das maŋŋelgaskabeaivvi ledje guokte dain stuorámus velggiin jávkan Proff Forvaltning registaris.
Ávvir lea geahččalan oažžut kommentára Min Boazu AS beaivválaš jođiheaddjis Lasse Kvernmo, muhto son ii dáhto kommenteret ášši Ávvirii.
Ávvir ii leat ožžon Min Boazu AS stivrrajođiheaddji ge ságaide bearjadaga kommenteret ášši.
