-Almmuhus-
-Almmuhus-
-Almmuhus-
OĐĐASATMilliardabealli Hammerfeasta ja Skáiddi gaskii

Milliardabealli Hammerfeasta ja Skáiddi gaskii

-

-

Finnmárkku fylkkagielda lea odne ovddidan cealkámuša Stuoradikki fievrráduslávdegoddái Našunála fievrrádusplána birra. Fylkkagielda háliida buoridit riikkageainnu 94, mii manná Hammerfeastta ja Skáiddi gaskka.

– Min váldočuokkis lea ahte galgá várrejuvvot bealle milliarda ruvnno Hammerfeasta ja Skáiddi luotta buorideapmái, lohká kultuvrra ja johtalus váldolávdegotti jođiheaddji Geir Ove Bakken preassadieđáhusas.

Sáttasátni ovdanbuktojuvvui gulaskuddančoahkkimis ráđđehusa evttohussii Našunála johtalusplánii 2018-29.

 

– Dehálaš várret ruđa

Ráđđehus lea plánas vuoruhan riikkageainnu(Rg) 94. Dat lea okta ovcci prográmmaguovlu gaskkain. Golmma gaskii leat juo várrejuvvon 300-500 miljovnna ruvnno.

– Jus eat sihkkaraste várrema 500 miljovnna ruvdnii Rg 94:ii, de sáhttá dat láivudit Stáda geaidnodoaimmahaga vuoruhemiid riikkageainnuide 2018-23, lohká  Bakken.

 

Vuoruhan eará prošeavttaid maid

Fylkkagielda lea maid ovddidan ahte guolástanhápmandoaimmat ja Silisávžži luodda ferte vuoruhuvvot.
Kamøyværii ja Kjøllefjordai háliidit guolástanhápmandoaimma. Riikkageainnu 93 mii manná Silisávžžis, áigot ollásit ruhtadit.

Bakken lohká ahte lea váttis oažžut ođđa prošeavttaid stuoradikkimeannudeapmái, mii lea geassemánu. Dat lea go ráđđehusa evttohussii lea juo eanetlohku.

– Mii vuordit ahte min cealkámuš váldo mielde. Vuordit maid veahki Finnmárkku ráđđehusbellodagain ja stuoradikkeáirasiin, loahpaha váldolávdegotti jođiheaddji.

-Almmuhus-