-Almmuhus-
OĐĐASATMiljovnnat CWD-dávdda eastadeapmái

Miljovnnat CWD-dávdda eastadeapmái

-

-

Ráđđehus almmuha ahte áigot lasihit ruhtajuolludeami Biebmobearráigehččui 15 miljovnnain ruvnnuin mii galgá mannat CWD-dávdda eastadeapmái.

– Lea viiddis bargu dahkkon CWD-dávdda kártemiin, ja buot gottit Nordfjellas leat dál jávkaduvvon. Jus mii galgat lihkostuvvat ođđasit ásahit dearvvaš gottiid dan guvlui, de fertet sihkkarastit ahte leat dearvvaš eallit gos viežžat ođđa elliid, ja ahte mii diehtit gos dávda lea, lohká eanandoallo- ja biebmoministtar Jon Georg Dale ráđđehusa neahttasiiddus.

Lassi ruhta, mii dál lea juolluduvvon, galgá geavahuvvot Nordfjella guovllu 1 sihkkarastit maŋŋel go buot gottiid leat jávkadan. Ruhta geavahuvvo maiddái goziheapmái ja lassi gelbbolašvuhtii dávdda birra muđui riikkas.

-Almmuhus-