-Almmuhus-
OĐĐASATMiljon­dietnasa manahan korona­dávdda geažil

Miljon­dietnasa manahan korona­dávdda geažil

-

-

Romssa ja Finnmárkku bátnedivššohagain lea dienas unnon logi miljovnna ruvnnuin juohke mánu dan rájes go Ráđđehus mearridii giddet buot bátnedivššohagaid Norggas koronadávdda geažil. 

– Mii manahit 10 miljovnna ruvnno juohke mánu, ja dássážii ii leat oktage  doaibmapáhkka Ráđđehusas buhtadan dan, dadjá plána, kultuvrra, ja ekonomiija fylkkaráđđi Anne Torill Eriksen Balto preassadieđáhusas.

Dál bivdá Romssa ja Finnmárkku fylkkaráđđi eiseválddiid veahkkin gokčat olggosgoluid 18 miljovnna ruvnno ovddas, mánnosaččat, boahtte doaibmapáhkas maid Ráđđehus buktá.

Fylkkaráđđi bivdá maid čoahkkima dearvvašvuođa ja fuolahusdepartemeanttain, čilgen dihte hástalusaid birra mat leat doaresbealfylkkain. 

– Bátnedearvvašvuođas leat davvifylkkat  massán eanet ruđa go fylkkat lulde, danne go lulde lea pasieanttain vejolašvuohta geavahit priváhta bátnedivššohagaid. Priváhta bátnedivššohagat ožžot gokčojuvvon 90 proseantta sin olggosgoluin. Dát njuolggadusat fertejit guoskat min klinihkaide maid, oaivvilda Eriksen Balto.

-Almmuhus-