Sámediggeráđđi Mikkel Eskil Mikkelsen galleda Porsáŋggu ja Davvenjárgga gielddaid cuoŋománu 12.–14. beivviid.
Ulbmil lea ahte Sámediggi galgá oahpásnuvvat álbmogiin dáin guovlluin, gullat makkár vuordámušat ja sávaldagat sis leat Sámediggái, ja maid addit dieđuid Sámedikki birra ja Sámedikki politihkalaš mihtuid ja áigumušaid birra.
Earret eará galleda sámediggeráđđi Mearrasiidda Billávuonas, Davvebiegga álbmoga ja Álbmotčoahkkima Honnesvágis ja maŋemus beaivvi fas Porsáŋggu gieldda ja giellaguovddáža. Nu dieđiha Sámediggi.
