Ruoktot VIRGEALMMUHUSAT Mii ohcat hutkás ja duostilis geassebargiid!

Mii ohcat hutkás ja duostilis geassebargiid!

Mii ohcat áŋgiris, hutkás, duostilis ja servvodatberošteaddji geassebargiid geain lea hállu bargat journalistan.

Váldobargun lea ráhkadit ođas- ja reportášaáššiid báberaviisii ja nehttii.  Geassebargin Ávviris beasat geahččalit sihke čállit, govvet ja filbmet. Don beasat bargat iešheanalaččat ja ovttas earáiguin.

Mii sáhttit fállat oahpaheami ohcciide geain ii leat journalistaoahppu dahje journalistaduogáš.

Ohcci ferte hálddašit sámegiela njálmmálaččat ja čálalaččat.

Mii ohcat vuosttažettiin geassebargi gii sáhttá bargat min Guovdageainnu, Kárášjoga, Álttá dahje Deanu doaimmahusas, muhto ávžžuhit ohcat sin geat sáhttet eará báikkiin bargat.

Bálká, eará eavttut ja álgin soahpamuša mielde.

Ohcama oktan duođaštusaiguin sáddet: kari@avvir.no

Eanet dieđuid virggi birra oaččut váldodoaimmaheaddjis Kari Lisbeth Hermansenis, tlf. 478 26 320, kari@avvir.no

dahje neahttadoaimmaheaddjis, Roy Arthur Olsen, tlf. 412 75 038, roy@avvir.no

Ohcanáigemearri: 01.06.21.