«Notre-Dame», «Vy» ja «Maid galggan jienastit» leat bivnnuheamos Google-ohcamat Norggas, čájeha google statistihkka. Norggas leat maid eanemus ohccon sátni mii lea lassánan 2018 rájes, namalassii «Mii lea šamána».
– Notre-Dame girku dramáhtalaš buollin Parisas dagahii stuora báru ohcanmohtoris Googles, čállá Google Norgga preassahoavda Helle Skjervold NTB:i. Eará áššit maid leat ohcan leat: maid mearkkaša Vy, maid galggan jienastit ja gii vuittii válggaid..
Eanemus čállon namat Google ohcanmohtoris leat Laila Anita Bertheussen, terroráššáskuhtton Philip Manshau ja dasa lassin Greta Thunberg.
– Lea leamas olu sáhka birrasa birra ja dat vuhtto maid almmolaš sátnečállosis, dadjá Google preassahoavda Skjervold. Nu čállá NTB.