-Almmuhus-
-Almmuhus-
OĐĐASAT– Mii hálddašit iežamet álbmoga historjjá

– Mii hálddašit iežamet álbmoga historjjá

-

-

Sámi joatkkaskuvla ja RDM – Sámiid Vuorká-Dávvirat (SVD) lágidit gaskavahku 27.04 nuoraiddebáhta, mii lea čadnon aiddo rahppon museačájáhussii “RUOKTOT – Sámi rumbbuid máhcaheapmi”.

Preassadieđáhusas čállá SVD  ahte joatkkaskuvlla nuorat ságastallet kulturárbbi birra Sámi joatkkaskuvlla kantiinnas, Kárášjogas, gaskavahku 27.04.2022 diibmu 1100-1300.

Guokte nuoraidjoavkku galget doppe nákkáhallat gaskaneaset. Sin gažaldagat leat ná: leago dehálaš máhttit sámi kulturárbbi ja oskku birra, galgágo dološ sámi dávviriid máhcahit Sápmái ja sáhttágo sámi rumbbuid symbolaid geavahit plastihkka mátkemuitun kommersiála atnui. 

Loga maid:
Čájehit dán beakkán rumbbu

Debáhtta

Olles joatkkaskuvla oassálastá debáhttii ja nákkáhalli joavkkut sáhttet viežžat veahki skuvlanuorain jus dárbu.  Debáhtta lea sámegillii ja dulkojuvvo dárogillii. Debáhta jođiheaddjin lea SVD museajođiheaddji Jelena Porsanger.  Skuvlaoahpaheaddjit doibmet duopmárin. Debáhta loahpas duopmárat buktet čoahkkáigeasu.

Loga maid:
Illu­konsearta go Poala Ándde goavddis fas lea beassan Sámi oamas­teapmái

– Musea ja joatkkaskuvla leat juo guhká bargan ovttas ja ráhkadan vuogi man bokte oažžu olles skuvlla fárrui dehálaš servodatáššiid ságastallamiidda. Nuorat liikojit nákkáhallat áigeguovdilis áššiin. Skuvladebáhtta lea oassi nuoraid oahpus. Sii galget hárjehallat kritihkalaš jurddašeami ja oahppat áššálaččat ákkastallat iežaset oainnuid, lohká Jelena Porsanger preassadieđus.

Nuoraiddebáhtta lea čadnon “RUOKTOT”-čájáhussii mii lea Sámiid Vuorká-Dávviriid 50-jagi ávvočájáhus.

-Almmuhus-