Lotnolasvaláštalli Håvard Klemetsen oaivvilda ollu moivvi leamaš maŋemus áiggi, mas fertejit váldit oahpu.
Lotnolasvaláštalli Håvard Klemetsen oaivvilda ollu moivvi leamaš maŋemus áiggi, mas fertejit váldit oahpu.
Geahččalan-MM ii šaddan nu go galggai, ja Norgga joavkkus eai leat buorit bohtosat leamaš dán áigodaga.
– Lea ollu moivi leamaš maŋemus áiggi. Leat vehá bearehaga čuoggasan ja das fertet ge váldit oahpu. Mii fertet čoavdit čuolmmaid. Leat manahan ollu poeŋggaid moivvi dihte, bávččagahttimiid dihte ja heajos kvalifiserema dihte olles áigodaga, muitala Håvard Klemetsen.
– Mis livčče ožžon leat eambbogat veahkkedoaimmas mielde, muhto dasa dárbbašuvvo eanet ruhta. Lea áibbas čielggas ahte lei galgat buoridit sihke duon dán, lasiha Klemetsen.
Potensiála
Klemetsen muitala ahte ii galgga nu ollu ovdal bohtosat šaddet buorebut go olles áigodagas.
– Min joavku lea dego diamánta maid ferte fiilet. Mis leat čeahpes valáštallit geain lea stuora potensiála ja nanu máhttu. Muhto dat ii luovvan. Jus čorgestivčče vehá, buoret plánen, ekonomiija ja strategiijain olahivččiimet, de šattašeimmet «várálažžan» boahtteáiggis, dadjá Klemetsen.
Buorre doaivva
Sus lea buorre doaivva medálja fasket boahtte jagi MM-gilvvus. Njealját sadji bearjadaga lei buoremus maid dán jagi lea olahan.
– Sihke luohkát ja láhtut leat mu miela mielde dáppe. Ferte bures ráhkkanit ja ferte leat buori foarpmas, de sáhtán bures dahkat. Lea vel vejolaš bajimus sajiide olahit boahtte jagi. Mun lean vuoitán ollu gilvvuid dan stuora luohkás dáppe ja loavttán bures. Jus foarbma vel buorrána eanet, de sáhtán leat «joker» MM-gilvvus, loahpaha Guovdageainnu Valáštallansearvvi Håvard Klemetsen. (©NTB)
