-Almmuhus-
-Almmuhus-
OAIVILAT – Mii eat čiegat maidege

– Mii eat čiegat maidege

-

-

Ávviris lei gieskat artihkal das movt geavahit NRK Sámi fálaldagaid, vuosttamuččat rádio. NRK analysahoavda Kristian Tolonen ja Tor Eide,senior rádio/jietnaanalytihkkár háliideaba dáinna kronihkain čilget daid čuolmmaid iežaska sániiguin:

KRONIHKKA:

Ávviris lei dán vahkku artihkal das movt geavahit NRK Sámi fálaldagaid, vuosttamuččat rádio. Min senior rádio- ja jietnaanalytihkkár Tor Eide lea vástidan muhtun gažaldagaid das, ja lea dohkkehahtti bures siterejuvvon das.

NRK oaččui artihkkala geahčadeapmái ja mii de čujuheimmet ahte ingreassa ja bajilčála ii lean juste nu movt duođas čuožžu artihkkalis, ja vaikko Ávvir duođaštii dan, de ii rievdaduvvon dat ovdal go almmuhuvvui. De báhcá oaidnu ahte NRK ii doahttal loguid, čiehká daid dahje eai leat vuoiggalaččat.

Nu dieđus ii leat, ja mii háliidit dáinna kronihkain čilget daid čuolmmaid iežamet sániiguin.

Mii geahččalit álo mihtidit NRK Sámi fálaldagaid geavaheami buoremus lági mielde, ja mii geahččaladdat iešguđet vugiid, maiddái Nielsena rádiomihtádusaid bokte.

Muhto kvantitatiiva panelamihtideamit ja oaiviliskkadeamit leat obbalaččat dađi bahábut hui váddásat go sámi álbmot leat statistihkalaččat unni, ja belohahkii váttis defineret gii lea dahje definere iežas oassin sámi álbmogis. https://www.faktisk.no/artikler/0bP/innsikt-hvor-bor-det-flest-samer

Sániin «statistihkalaččat» oaivvildit mii čuovvovaččat: dušše ovtta proseantta boasttumargiidna panelamihtideamis 10-jagi+ olles Norgga álbmogis (vihtta miljovnna) leat badjel 40 000 olbmo) De lea váttis mihtidit aiddolaččat go olles Sámi álbmot Davviriikkain lea gaskal 50-80 000 eat ge mii sáhte juste dál (dahje ii leat leamaš) vejolašvuohta rekrutteret Norgga sámiid dakkár mihtidemiide. Lea njuolggut váttis (fágalaš bealis aitosaččat veadjemeahttun) mihtidit mediaid geavaheami gustojeaddji loguiguin sámi álbmoga ovddas, ja nu lea guhká leamaš. Muhto mii geahččalit olles áigge gávdnat ođđa vugiid, dahje geavahit eará definišuvnnaid/áigodagaid vai oažžut mihtideami. Ovdamearkka dihte go mihtidit NRK Sámi geavaheami Nielsena mihtideami bokte, de leat olles álbmoga logut váldon atnui. Veahá eanet dan birra:

Norgga rádiokanálat, maiddái NRK, mihtiduvvojit elektrovnnalaš iskkadeami vehkiin. Lávdegottis leat 2000 beaivválaš olbmo geat raporterejit. Dat 2000 olbmo speadjalastet álbmoga das mii guoská sohkabeallái, ahkái, ohppui ja geografiijii.

Go rádiologut raporterejuvvojit, de lea lea eanas beaivválaš oassálastin (gokčan) mii geavahuvvo. MUHTO, lea maid vejolaš raporteret sihke vahkkosaš ja mánnosaš oassálastima, vai ožžot eanet observašuvnnaid ja eanet sihkarvuođa loguide maid geavahit.

Ávvira logut muitalit man olu mánnosaččat guldalit NRK Sámi, gaskamearálaččat olles 2019:s, dasa lassin dán rádjái 2020:s.

Ávvir válljii geavahit Nielsena mihtideami beaivválaš dási rating-loguid, logut mat de čájehit «0» NRK Sámi dáfus. Mii geahččaleimmet čilget ahte rating ii čájet man oallugat gehččet TV-kanála dahje guldalit rádiokanála jándoris obbalaččat, dan sivas go rating čájeha movt lea oassálastin (gokčan) ja man olu áiggi geavahit guldaleaddjit/geahččit. Jus mii geahččat movt rating lea gokčama ektui (man galle 1000 geat fitnet kanálas) iešguđet áiggiid, de oažžut dán tabealla:

Ođđajagemánnu-golggotmánnu   2020 NRK Sápmi

Beaivválaš rating (duháha)    0

Beaivválaš gokčan (duháha)    2

Vahkkosaš gokčan (duháha)    12

Mánnosaš gokčan (duháha)    44

Dan golbma gokčanlogu oažžu geavahit nu go háliida – muhto rating geavahuvvo hui hárve das man oallugat geavahit kanála.

Go almmuha gokčanloguid (dahje eará loguid) de lea dehálaš geahččat dan man olu observašuvnnat dat leat loguid duohken. Smávit kanálain leat unnit olbmot geat leat vuođđun gokčanloguide go dain stuorit kanálain. Dain oktavuođain go mii galgat almmuhit smávit kanálaid loguid, de lea jearggalaš lasihit observašuvnnaid logu nu olu go sáhttá. Earenoamážit go háliida geahččat ovdáneami – Nu go Ávvir háliidii. De adduige mánnosaš oassálastin duháha ektui mii geavahuvvui, iige oba leatge leamaš dáhttu čiegadit maidege. Dat lea njuolggut vuohki oažžut sihkkarit loguid ja govvidit duohtavuođa nu bures go vejolaš, vaikko ii geavat beaivválaš dási loguid.

Mii ipmirdit ahte dat lea váttis, iige leat nu álki gulahallat. Seammás lea dehálaš NRK:i ja buot earáide ahte doalaha vuoiggalaš loguid ja statistihka, vaikko dat eai muital dan maid háliida gullat. Juo, olbmot geavahit NRK. A-a, mis eai leat mihtideamit mat aiddolaččat čájehit man oallugat guldalit kanála beaivválaččat, dan dihte mii geavahitge loguid mat leat baserejuvvon stuorát áigodahkii. Eatge mii čiegat maidege, mii leat baicca čilgen dan oalle dárkilit.

Kronihkkačálli: Tor Eide,

senior rádio/jietnaanalytihkkár

Kristian Tolonen, analysahoavda

NRK

-Almmuhus-