Namma: Nils Johan Eira
Ahki: 36
Guovlu: Guovdageaignu
1. Guđe dáiddár lea dán jagi ráhkadan dáidaga mas namma lea «Ovdavázzit – Forewalkers»?
– Hm … Lea go son Máret Ánne? Dat várra lea, mun dajan goit ahte lea Máret Ánne Sara. Boastut!
Rievttes vástádus: Outi Pieski
2. Mii lea áidna njiččehasealli mii girdá?
– Mii bat dat njiččehasealli lea? In dien gal dieđe … Lea go son storka? Boastut!
Rievttes vástádus: Girdisáhpán
3. Man guovllus badjána beaivváš?
– Naa … Gal dat vuolgá vuos gos
don leat. Hehe, ii heađisge. Nuortan dat badjána. Riekta!
Go Nils Johan ii vástidan riekta buot golbma vuosttaš gažaldaga, de son ii mannan viidáseappot gilvvus, muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde guđe ivnni vállje.
Rukses árvádus lea váddáseamos, ja jus dan vástida riekta, de oažžu 15 čuoggá.
Alit árvádusain oažžu 10 čuoggá ja ruoná árvádusain 5 čuoggá.
Nils Johan vállje alit ivnni, ja de oažžuge dán árvádusa:
Sonja ja unnavieljaš dávjá diggoba. Eadni dolká loahpas dasa ja mearrida ráŋggáštit sudno. Soai galgaba seamma aviissa alde čuožžut, muhto eaba oaččo guoskat nubbi nubbái. Mo dan nagodii?
– Soai várra ferteba ovtta juolggialde čuožžut … Vai lea go eadni gaikkodan aviissa ja bidjan čuožžut
goabbatge bihtá ala? Boastut!
Rievttes vástádus: Son bijai aviissa uvssa vuollai. Sonja ja unnavieljaš šattaiga goabbat beallái uvssa čuoččahit.
Galle čuoggá oktiibuot: 1 čuoggá.
– Hehe … Nu fal, dien árvádusa!
Juohke gilvaleaddji beassá hástalit ođđa gilvaleaddji Ávvira geassegilvui.
Nils Johan hástala Torkel Rasmussena.
