Maŋemus jagiid lea borramušgávppašeapmi njiedjan mealgat Norgga dállodoaluin, čájeha iskkadeapmi. Earenoamážit maŋŋá pandemiija lea biebmobálkun njiedjan.
2016 rájes leat bálkun 18 proseantta unnit biepmu. Stuorámus oassi biepmobálkunnjiedjamis, namalassii 12 proseantta, geavai gaskal 2020 ja 2023. Dan čájeha iskkadeapmi man Norstat for Matvett čađahii mannan giđa.
– Lea hirbmat buorre go mii bálkut unnit biepmu, muhto lea ain guhkki mihttomearrái mii lea beali unnit bálkut ovdal 2030. Juksat dan de lea dárbu ahte sihke eiseválddit, biebmosuorggit ja almmolaš suorggit áŋgiruššet. Maiddái rievdadit juohkehačča vieruid, lohká Matvett gulahallanhoavda Anne Marie Schrøder.
Diibmá bálkkui juohke olmmoš gaskamearálaččat 35 kilo biepmu. Sii geat bálkot unnimus leat sii geat leat badjel 60-jahkásaččat. Olbmot agis 40–59 bálkot eanemus ja sii geat leat vuollel 40 jagi boarrásat leat ges buoridan dábiideaset eanemus dáinna lágiin ahte leat unnidan bálkuma eanemus.
– Vejolaš čilgehus lea ahte lea divrras ja dat čuohcá nuoramusaide, lohká Schrøder.
(©NTB)
