Sámi ofelaččat áigot ávvudit Sámi álbmotbeaivvi stáhtaministtar Erna Solbergain Tråantes.
Sámi ofelaččat áigot ávvudit Sámi álbmotbeaivvi stáhtaministtar Erna Solbergain Tråantes.
Ofelaččat Anne-Marja Jannok-Joma, Dan-Jonas Danielsen-Sparrok, Maren Benedicte Storslett ja Henrik Halvari deaivvadit stáhtaministtarin Erna Solbergain Tråantes Sverresborg Trøndelag Folkemuseumis maŋŋebárgga guovvamánu 6. beaivvi dii.
– Mii illudat hirbmadit ávvudit Ernain! Lea liige somá ahte mii deaivvadat suinna Tråantes dákkár fiinna beaivve go Sámi álbmotbeaivi, go Tråante han lea oassin manin mii ávvudat maid, dadjá ofelaš Anne-Marja Jannok-Joma, Snåsas eret preassadieđahusas.
– Mii áigut maiddái biđđosa borrat fárrolaga, ja humádit dan birra mo lea leat ofelaš ja sámi nuorra otne, lasiha ofelaš Maren Benedicte Storslett, Guovdageainnus eret.
Logáldallan ja oktasaš iđitborramuš
Lassin dán beaivvi galget ofelaččat doallat guokte logaldallama Sverresborg Trøndelag Folkemuseas, ja oassálastit oktasaš iđitborramuša NTNU Gløshaugenis maid Saemien Studeenth Tråantesne doallá. Ofelaččat galget daid eará beivviid leat Romssas, sámi vahkku oktavuođas
Ortnet Sámi ofelaččat álggahuvvui 2004is. Jurdaga oažžui Erna Solberg, gii dalle lei gielddaministtar. Sámi ofelaččat mátkkoštit miehtá Norgga ja logaldallat sámi historjjá birra, servvodaga ja kultuvrra birra. Ofelašdoaibma galgá addit nuoraide dáža skuvllas deaivvadanbáikki sámi servvodagain sámi nuoraid bokte.
