– Mii illudit ságastallat ovttastuhttima Romssain. Mii áigut bargat dan buoremusa ođđa fylkii, ja Finnmárkku beroštumit leat lunddolaš oassin das, muitala fylkkasátnejođiheaddji Ragnhild Vassvik.
– Mii illudit ságastallat ovttastuhttima Romssain. Mii áigut bargat dan buoremusa ođđa fylkii, ja Finnmárkku beroštumit leat lunddolaš oassin das, muitala fylkkasátnejođiheaddji Ragnhild Vassvik.
Vassvik jođiha Finnmárkku fylkkagieldda šiehtadallanlávdegotti, mii duorastaga ja bearjadaga deaivvada Romssa fylkkasuohkaniin čoahkkinastit fylkkasuohkaniid ovttastuhttima birra.
Finnmárkku lávdegottis lea maid Geir Ove Bakken, Johnny Ingebrigtsen, Lise Svenning ja Arne Liaklev.
Čoahkkin lágiduvvo Girkonjárggas.
Ollu fáttat
Lávdegotti politihkkarat váldet mielde Fylkadikki mearrádusaid, evttohusaid oktasaš fylkadiggečoahkkimis mii lei golggotmánu, ja gáibádusaid lágas mas daddjo ahte namma, oktasaš ráđđi ja fylkkadiggeáirasiid lohku galgá leat áššin.
– Mis leat golbma čoahkkima daid lagamus vahkkuid. Dán áigodagas galgat maid geahčadit bargiid oadjebasvuođa ja einnostanvejolašvuođa, guđe gos váldosadji ođđa fylkkas galgá leat, ja politihkalaš stivrenvuogi, muitala Vassvik.
Ovdáneapmi
Lávdegottit mat šiehtadallet eai galgga sierra mearrádusaid dahkat. Mihttu lea ahte lávdegottit galget leat ovttaoaivilis ja buktit oktasaš árvalusaid mat galget politihkalaččat meannuduvvot goabbat fylkkadikkis juovlamánus.
Ođđajagemánu 1.beaivvi 2020 galgá Finnmárku ja Romsa šaddat oktasaš ođđa organisašuvdnan.
– Mii leat gealdagasas ja mii leat bures ráhkkanan. Mii galgat leat konstruktiivvalaččat ja doaimmalaččat dán proseassas, dadjá Vassvik.
