Dán vahkkoloahpa lágiduvvojit Norggameašttirgilvvut skohtercrossas Rysstadas, Valle suohkanis lulli-Norggas. Guovdageaidnulaš Ole Martin Hætta lea gearggus gilvvohallat.
Dán vahkkoloahpa lágiduvvojit Norggameašttirgilvvut skohtercrossas Rysstadas, Valle suohkanis lulli-Norggas. Guovdageaidnulaš Ole Martin Hætta lea gearggus gilvvohallat.
Otne álget Norggameašttirgilvvut Rysstadas, Valle suohkanis lulli-Norggas. Guovdageainnu mohtorsearvvis leat guokte vuoddji gergosat gilvvohallat Norggameašttirgilvvuin. Nubbi sudnos lea Ole Martin Hætta.
Ole Martin Hætta searvvai skohtercrossai Oulus, Suomas, mannan vahkkoloahpa. Doppe bártidii veahá ja nordadii juolggi. Dán ballá veahá hástalussan šaddat gilvvus.
— Juolgi lea dan mađe bávččas ahte in nagot duolbmut dainna julggiin. Go skuova ordnen vuogasin juolgái, de gal galggan nagodit vaikko veahá hástalussan gal doaivvun leat, čilge Ole Martin.
— Skohter doaibmá hui bures, nu ahte de ii leat go ieš vel birgehallat.
Vaikko juolgi lea veahá hástalussan, de doaivu gal iežas birget bures gilvvus.
— Mihttu lea dieđusge fasket golli, nu go álo. Jus dat ii menestuva, de galggan goit beassat dan golmma buoremusa searvái, loahpaha Ole Martin Hætta.
