Nisuguoktá 40-jagiin dieđihuvvuiga láhppon. Heitot dálki ja mierká galgá leat ággan láhppomii.
Nisuguoktá 40-jagiin dieđihuvvuiga láhppon. Heitot dálki ja mierká galgá leat ággan láhppomii.
Guokte nissonolbmo 40-jagiin leigga mannán vázzinmátkái Sállanis go heitot dálki ja mierká dagahii váttisvuođaid sudnuide.
Bearrašat dieđihedje politiijaide sudno lahppon gaskavahkku čuovganeapmái.
Soai galgaba leat hárjánan olgun birget ja sudnos eai váillo meahccedávvirat.
Sáddejedje gádjunveaga
Politiijat ožžo oktavuođa tuvravázziguoktái ja áigo sáddet vehkiid sudno viežžat. P
olitiijat dieđihedje diibmu guđas iđđes ahte gádjunbálvalusat leat vuoddján Sállana davábeallái viežžat sudno.
Leaba sihkarvuođas
Ovccáigge iđđes dieđihedje politiijat ahte gádjundoaibma lea loahpahuvvon ja nissonolbmoguoktá leaba sihkarvuođas.
Politiijat giitet NSSR ja Rukses ruossa veahki ovddas.
Dán dieđihit Finnmárkku politiijat Twitteris.
