Muhtin dievdu válddahalai ja mieđihii suoládan NRK Sámi biilla.
Lávvardaga čuovgáneapmái lei sisagaikun NRK váldodoaimmahusas Kárášjogas. Politiijat dieđihedje ahte mediaásahusas lei biila suoláduvvon.
– NRK biila gávdnui Álttás. Muhtin dievdu lea váldon gitta ja son mieđiha vearredagu. Politiijat dutket ášši viidáset, dieđihit Nuorta-Finnmárkku politiijat Twitteris.
Bargi fuomášii
Sisagaikun fuomášuvvui go bargi bođii bargui lávvardat iđida.
– Sisagaikuma fuomášii bargi, visttis leat cuvken lásiid ja uvssaid, muitalii Nuorta-Finnmárkku politiijaguovllu operašuvdnajođiheaddji Sølve Johansen Nordlys aviisii ikte.