Go máilmmenásti Chris Medina almuhuvvui Melodi Grand Prixa oassálastin, de šattai son favorihttan. Beaivvi ovdal finála lea KEiiNO guođildan amerihkálačča.
Go máilmmenásti Chris Medina almuhuvvui Melodi Grand Prixa oassálastin, de šattai son favorihttan. Beaivvi ovdal finála lea KEiiNO guođildan amerihkálačča.
Chris Medinas lea internationála namma, ja ollusat jáhkke su leat favorihttan Norgga Grand Prixas.
Dál lahkona MGP- finála ja dat vuoitoliiba lea gahččan oalle ládje. Dan dieđiha Unibet speallanfitnodat.
– Go oddsa dieđihii geat favorihtat leat, de lei KEiiNO joavkkus ja Chris Medinas measta seamma oddsa. Goappašagain lei oddsa mii lei sulli 20 proseantta vejolašvuohta vuoitit. Oddsa lea rievddadan dađistaga go olbmot leat speallan, ja speallit eai speallan šat Christ Medina lávlaga, de loktanii oddsa jođánit. Dál leat oddsa 15, mii mearkkaša ahte vuoitovejolašvuohta lea sullii guhtta proseantta, čilge Steffen Løvhoven, Norgga Unibet PR manager preassadieđáhusas.
Favorihtta odds-spelliid gaskkas
KEiiNO lávlla «Spirit in the sky» lea loktanan favorihttan.
– KEiiNO orru deaivan olbmuid iežaset lávlagiin. Oddsa lea 1,49, mii mearkkaša measta 70 proseantta vejolašvuođa vuoitit Melodi Grand Prixa. Dat oddsa rievdan boahtá das maid olbmot spellet: measta 80 proseantta geat spellet Melodi Grand Prix, leat speallan KEiiNO, loahpaha Løvholen.
