Ođđa iskkadeapmi čájeha olbmot leat sorjavaččat geavahit biilla árgabeaivvis.
Okta njealjásis árvvoštalla ahte beaivválaš johtin ádjánivččii diimmu guhkit, jus geavahivčče kollektiivajohtolaga.
Dan čájeha ođđa iskkadeapmi maid NAF lea dahkan.
– Okta golbmasis birge bures biilla haga stuorra gávpogiin go áigu ruovttus bargui ja ruovttoluotta. Dát ii leat vejolaš jus orut olggobeale gávpotguovlluid, dadjá Camilla Ryste, NAF gulahallanhoavda.
Háliidivčče johtit kollektiivajohtolagain
Iskkadeapmi čájeha vaikke olbmot leat sorjavaččat geavahit biilla árgabeaivvis, de čájeha iskkadeapmi ahte 60 proseantta háliidivčče johtit kollektiivajohtolagain jus fálaldat livččii buoret.