Biebmobearráigeahčču lea guorahallan 20 láibebajoža sisdoalu, ja čájehuvvo ahte guđa šlájas lea menddo olu sálti.
Biebmobearráigeahčču lea guorahallan 20 láibebajoža sisdoalu, ja čájehuvvo ahte guđa šlájas lea menddo olu sálti.
– Guđa láibebajožis lei badjel 20 proseantta eanet sálti go dat maid buvddadaddji dieđiha láibebajoža páhkain, lohká Biebmobearráigeahču seniorráđđeaddi Ellen Kielland preassadieđáhusas.
Lea Mearradutkaninstituhtta mii lea iskan Nordfjord, First Price, Gilde, Grillstad, Tulip, Mills, Stabburet ja Prior láibebajožiid mat leat ráhkaduvvon bierggus.
Biebmobearráigeahčču čuovvula guorahallama bohtosiid borramušbuvttadeddjiiguin.
Sin mielas lea oainnat dehálaš merket gálvvuid riekta go eiseválddiid ulbmil han lea unnidit norgalaččaid sáltegeavaheami.