Mediabearráigeahčču galgá juohkit 20,9 miljovnna kruvdnasaš innovašuvdnadoarjaga ja rahpá vejolašvuođa ohcat ruđaid.
Smávva báikkálaš ođas- ja áigeguovdilismediaid vuoruhit. – Innovašuvdnadoarjja addá vejolašvuođa smávva báikkálaš mediaide hutkat ođđa buktaga. Olu prošeavttaid ii livčče lean vejolaš čađahit dan doarjaga haga, lohke Mediabearráigeahču direktevra Mari Velsand.
Ordnet galgá ovddidit mediamáŋggabealatvuođa ja čuvgejuvvon almmolaš ságastallama go movttiidahttá redakšuvnnalaš sisdoalučujuhuvvon innovašuvnna ja ovdánahttima ođas- ja áigeguovdilismediain.
– Smávva báikkálaš ođas- ja áigeguovdilismediaid vuoruheami lassi galgá bealli doarjagis mannat aviissaide maidda geahpeduvvon poastajuohkinbeaivvit leat čuohcan, lohká Velsand.
