Mediabearráigeahčču doarju almmuhanfriddjavuođakommišuvnna evttohusa heaittihit gildosa politihkalaš reklámii TV:s.
Gielddus politihkalaš reklámii TV:s lei dan áiggis oaivvilduvvon sihkkarastit dásseárvosaš eavttuid politihkalaš oaiviladdimiidda, beroškeahttá aktevrraid ekonomalaš resurssain, čállá Mediabearráigeahčču preassadieđáhusas.
Almmuhanfriddjavuođakommišuvdna ovdanbuvttii diimmá čavčča čielggadeami, mas ávžžuhedje sihkkut gildosa.
Sivvan lea go sii oaivvildit ahte ii leat šat vuođđu dadjat ahte TV:s lea stuorát váikkuhanvejolašvuohta go neahttamediain, nu go Snapchat, TikTok ja Facebook. Dasa lea Mediabearráigeahčču ovttaoaivilis.
– Norgalaččat geavahit unnit áiggi TV:s, ja eambbo áiggi digitála mediain, gos ovdanbuktinnákca lea unnimusat seamma nanus. Danin lea ágga ahte reklámagielddus TV:s lea heajuduvvon, dadjá Mari Velsand, Mediabearráigeahču direktevra. (©NTB)
