Norgii leat importeren measta 90 proseantta eambbo rádioid go diibmá dahke. Eanaš rádiot leat DAB-rádiot.
Norgii leat importeren measta 90 proseantta eambbo rádioid go diibmá dahke. Eanaš rádiot leat DAB-rádiot.
2017:s leat jáddadan FM-fierpmádaga miehtá riikka. Báikkálaš rádiokanálat leat vel báhcán FM-fierpmádahkii. Maŋemuš fylka lei Finnmárku, gos jáddadedje FM-fierpmádaga juovlamánu 13. beaivvi.
Dál dárbbaša DAB-rádio jus galgá earret eará NRK sáddagiid gullat, ja dat vuhtto maid loguin. Dan dieđiha Statistalaš guovddášdoaimmahat iežaset neahttasiiddus.
Importa measta duppalasten
Golggománu ja skábmamánu importerejedje 353 000 rádioapparáhta Norgii. Dan čájehit mánnosaš logut. Diibmá lei dat lohku 187 000.
– Lea 89 proseantta lassáneapmi. Eanaš rádiot leat DAB-radiot, muitala Statistihkalaš guovddášdoaimmahaga vuosttaškonsuleanta Kjersti Fjærtoft Fossanger.
Vel diibmá ge lei lassáneapmi, go ovddit jagi importerejedje 118 000 rádio.
