-Almmuhus-
OĐĐASATMeasta čuođi gumppe Norggas 

Measta čuođi gumppe Norggas 

-

-

Dán rádjái leat gaskal 86 ja 96 gumppe duođaštuvvon Norggas, čájehit ođđaseamos kártemat.

Leat varas logut gaskaboddosaš stáhtusraporttas gumperegistreremis, mannan dálvvi Norggas ja rádjeguovlluin, maid Rovdata lea diŋgon Innlandet allaskuvlla ráhkadit. Lea ain olu báhcán dálvvi gumppekártenbarggus, muhto golggotmánu 1.beaivvis gitta ođđajagimánu 27.beaivái leat nagodan duođaštit gaskal 86 ja 96 gumppe Norggas. 

Golbma gumppe eará fylkkain

Dan logus leat gaskal 50 ja 53 Norggas, ja gaskal 34 ja 41 gávdnojit goappašat bealde Norgga ja Ruoŧa riikkaráji. Guovtti gumppes eai leat vel sihkkarat movt rádjestáhtus lea. 

– Eanaš gumppet leat lullioarje- Norggas, nu go Innlandet, Oslo ja Viken. Dušše golbma gumppe leat duođaštuvvon eará fylkkain, lohká Rovdata jođiheaddji Jonas Kindberg.

Seammás leat 11 dain duođaštuvvon gumppiin goddon dahje registrerejuvvon jápmán dan áigodagas.

Gumppet čivget

Dán dálvvi leat dokumenteren ođđa gumppečivggaid 2019:s dain guđa báikkiin mat leat gumppeguovllus. Rádjeguovlluin leat maid vihtta gumppe čivgan 2019:s.

Stuoradiggi lea bidjan meari ahte Norggas ja rádjeguovlluin sáhttet leat gaskkal njeallje ja guhtta čivgajoavkku jahkásaččat oktiibuot.

(©NTB)

-Almmuhus-