Fylkkamánni boazolohkan Oarje-Finnmárkkus čakčat ja dálvet čájeha ahte eanaš orohagat leat olahan mearriduvvon boazologu mannan boazodoallojagi 2014/2015.
Fylkkamánni boazolohkan Oarje-Finnmárkkus čakčat ja dálvet čájeha ahte eanaš orohagat leat olahan mearriduvvon boazologu mannan boazodoallojagi 2014/2015.
Fylkkamánni lea iskame lea go juohke boazodoalli olahan geahpidangáibádusaid. Eanandoallodirektoráhtta čuovvola sin geat eai leat dahkan dan.
Čavčča ja dálvvi boazolohkamiid bokte lea Fylkkamánni iskan leat go geahpidangáibádusat čađahuvvon. Boazolohkamat leat maid dehálaš oassin jus doarjagiidda galgá leat riekti.
Čuovvolit sin geat eai leat olahan mearriduvvon logu
Leat hástalusat go galgá rehkenastit boazologu maŋos áiggis, muhto lohkamat čájehit ahte eanaš orohagat leat olahan mearriduvvon boazologu. Dušše ovtta orohagas lea lohku mealgat badjel, ja Eanandoallodirektoráhtta lea čuovvolan orohaga ja doivot orohaga olahit mearriduvvon boazologu loahpageahčen njukčamánu dán jagi.
Vaikko orohat lea olahan mearriduvvon boazologu, de sáhttet leat ovttaskasboazodoallit geat eai leat olahan individuála geahpidangáibádusaid. Fylkkamánnis ii leat vel áibbas oppalašgeahčastat vuos, muhto áigot čuovvolit sin geat eai leat olahan mearriduvvon boazologu.
Eai leat nagodan čohkket ealu
Ovtta orohagas ledje álgán lohkát bohccuid, muhto orohat massii geahču čorragis mii ii lean vel váldon gárdái, ja ii leat vel nagodan čohkket ealu. Eallu leat maid masttan eará orohaga bohccuiguin. Fylkkamánni lea árvvoštallan ahte ii leat vejolaš geahččalit čađahit ođđa lohkama dál, ja gáibida ahte eallu lohkko čakčii. Fylkkamánni gulahallá orohagain movt logaheapmi galgá čađahuvvot buoremus vuogi mielde.
Oktiibuot leat badjel 60.000 bohcco lohkkon skábmamánus guovvamánu rádjái. Nu čállá Finnmárkku fylkkamánni neahttasiiddus.
Loga eanet dán ášši birra Ávvira bearjadat aviissas. Oastte aviissa dás.
