Finnmárkkus nagodedje 189 olbmo vuodjingeahččaleami njukčamánus. Dát lea stuorit oassi go muđui riikkas.
208 olbmo čađahedje ja 189 sis nagodedje vuodjingeahččaleami Finnmárkku johtolatstášuvnnain mannan mánus. Dat lea 91 proseantta buohkain geat geahččaledje. Muđui Norggas nagodedje 77 proseantta vuodjingeahččaleami.
Stuorimus oassi geahččalemiin čađahuvvo Álttás, gos 103 geahččaledje váldit vuodjinkoartta.
Teoriijageahččaleami čađahedje ges 511 olbmo, 73 proseantta dahje 373 olbmo nagodedje geahččaleami. Muđui Norggas nagodedje 60 proseantta sis geat geahččaledje teoriijageahččaleami.