-Almmuhus-
GUOIMMUHEAPMI– Measta bággu searvat go hoavda hástalii

– Measta bággu searvat go hoavda hástalii

-

-

Leago son Brita Åse Norlemann čeahpit geassegilvvus go iežas jođiheaddji?

Geassegilvu:

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 dahje 3 čuoggá, dan mielde makkár ivnni vállje; rukses dahje alit. Rukses gažaldagat leat váddáseappot. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvalusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvalus lea váddáseamos ja jus dan máhttá, de oažžu 15 čuoggá. Alit árvalusain oažžu 10 čuoggá ja ruoná árvalusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.15-15.8.15.

Namma: Brita Åse Norlemann
Ahki: 44
Guovlu: Lea eret Ávžžis, muhto ássá dál Sætres.
Bargu: Gáldu ráđđeaddi ja diehtojuohkinovddasvástádus, virgelohpi NRK Sámis.

 

Álggos leat golbma gažaldaga, jus daid máhtát, de manat viidáseappot gilvvus.

1. Mii lea inuihtaid dovdoseamos fanas?
Brita Åse Norlemann gullo jearraleame
­vehkiin dihtet go, ja de lohká:
– Mun vástidan Kajáhkka.

2. Mii lea Afrihká alimus várri?
– Ii bat dat leat Kilimanjaro, nu mun vástidan.

3. Mo lea loahppa dán sátnevádjasis: «Ii gáhtaša gákti …»
– … guhko, vástida son jođánit.

Go Norlemann vástidii riekta buot golbma vuosttaš gažaldaga, de son manná viidáset gilvvus. Liigegažaldagain oažžu 1 dahje 3 čuoggá, dan mielde makkár ivnni vállje; rukses dahje alit. Rukses gažaldagat leat váddáseappot. Gilvaleaddji manná viidáseappot nu guhká go vástida riekta liigegažaldagaide. Rukses gažaldagain oažžu 3 čuoggá ja alit gažaldagain oažžu 1 čuoggá.

Norlemann válljii alit ivnni ja oaččui de dán gažaldaga:
Goas almmustuvai vuosttaš geardde biibbal sámegilli?
– Mun logan «pass». Mun in dieđe biibbaliid birra maide go in oskko Ipmilii. BOASTUT

Rievttes vástádus: 1895

Juohke gilvaleaddji beassá vel geahččalit vástidit ovtta árvalusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvalus lea váddáseamos ja jus dan máhttá de oažžu 15 čuoggá. Alit árvalusain oažžu 10 čuoggá ja ruoná árvalusain 5 čuoggá.
Norlemann válljii alit ivnni ja oaččuige dán árvalusa:

Mii lea dat mii oaiveráigge borrá ja njunneráigge čollu?
– Mun in ipmir dan árvalusa obage.. Mun logan «pass». Ii leat ávki viggatge árvidit go in ipmir sulliige. BOASTUT

Rievttes vástádus: Gáfegievdni

– Eai lean gal nu váttis gažaldagat, fertejin jearrat veahki dušše dan vuosttaš gažaldahkii, lohká Norlemann. Dat lei Láilá Susanne Vars gii hástalii Brita Åse Norlemanna searvet geassegilvui.
– Gal de lei measta bággu searvat go hoavda hástalii, lohká Norlemann ja bohkosa.

Juohke gilvaleaddji beassá hástalit ođđa gilvaleaddji Ávvira geassegilvui.
– Mun háliidan hástalit Lisa Baal, go son lea mus buorre olmmái ja lea somá geahččat lea go son čeahpit go mun, lohká Norlemann vel loahpas.
Brita Åse Norlemann.

 

Njunnošis: Brita Åse Norlemann, 3 čuoggáin

 

Ášši lea maiddái otná báberaviissas.

-Almmuhus-