Ikte lei NOAH jahkásaš čuovgavázzin náhkkeealáhusa vuostá. Vázzin lei 30 gávpogis, ja lágideaddjit árvvoštallet ahte ledje oktiibuot 8 900 olbmo vázzimiin.
Ikte lei NOAH jahkásaš čuovgavázzin náhkkeealáhusa vuostá. Vázzin lei 30 gávpogis, ja lágideaddjit árvvoštallet ahte ledje oktiibuot 8 900 olbmo vázzimiin.
– NOAH čájeha dál ahte mii eat boađe goasse vajálduhttet guolgaelliid. Ledje erenoamáš olusat boahtán, ja vázzimat ledje erenoamáš máŋgga sajiin. Mii eat vuollán dán áššis, náhkkeealáhus ii galgga šat leat, riebanat ja johkabuoidagat eai galgga dárbbašit eallit giddagasas. Mii leat nu ilus go olbmot bohtet, ja go áŋgiruššan lassána jagis jahkái, lohká NOAH jođiheaddji Siri Martinsen preassadieđus.
Apeallat
Miellačájeheaddjit bisánedje Stuoradikki olggobeallai, doppe dolle sártniid.
– Mu mielas galgá gieldit náhkkeealáhusa, leat olusat mu bellodagas geat barget dan ala, logai Ovddádusbellodaga stuoradiggeáirras Ulf Leirstein.
Girječálli Unni Lindell doalai maid apealla.
– Buohkaide geat bealuštit náhkkeealáhusa: Heahpan eret olmmoš, heahpan! Ráhkat náhkkebiktasa iežat sielus baicca, dat addá albma lieggasa.
