Romssa ja Finnmárkku stáhtahálddašeaddji dieđiha ahte Stuorradiggi lea mearridan ahte ferte mohtorjohtolatlága dárkkistit.
Lea ásahuvvon lávdegoddi mii galgá dárkkistit mohtorjohtolatlága njuolggadusaid mat gusket mohtorfievrruin vuodjit mehciin ja čázádagain, ja evttohit rievdadusaid dasa, dieđiha Romssa ja Finnmárkku stáhtahálddašeaddji preassadieđáhusas.
Duogáš dán ásaheapmái lea vuosttažettiin go Stuorradiggi lea bivdán ráđđehusa ovddidit evttohusa ođasmahttit mohtorjohtolatlága mii guoská mohtorfievrruin vuodjit mehciin ja čázádagain, man ulbmil galggašii leat lasihit báikkálaš hálddašeami ja geahpedit byråkratiija mii guoská láhkačuovvumii, seammás go luonddu- ja olgodaddaneallima áimmahuššá.
