-Almmuhus-
-Almmuhus-
OĐĐASAT – Mearra­sámi kultuvra ja árbe­vierru ii leat ožžon nohkka fuomá­šumi

– Mearra­sámi kultuvra ja árbe­vierru ii leat ožžon nohkka fuomá­šumi

-

-

Leavnnja joatkkaskuvla šaddá resursaskuvlan. 

Leavnnja joatkkaskuvla galgá dál šaddat resursaskuvlan, nannen dihte mearrasámi kultuvrra ja árbevieru. Dán mearrádusa lea ovttajienalaš fylkkaráđđi dohkkehan, dieđiha Romssa ja Finnmárkku fylkkagielda preassadieđáhusa bokte. 

Bjarne Rohde (SG), dadjá preassadieđáhusas ahte Leavnnja joatkkaskuvllas lea guhká háliidan loktet mearrasámi ja kvena kultuvrra ja árbevieru, ja dál viimmat álgá dat bargu.  

– Mearrasámi kultuvra ja árbevierru ii leat ožžon nohkka fuomášumi sámegieloahpahusas, seammás go dat lea hui stuora oassi olles fylkkas, dadjá Bjarne Rohde preassadieđáhusas. 

Romssa ja Finnmárkku fylkkagielda lea dán evttohusa buktán Leavnnja joatkkaskuvlii stuorát barggu dihte, mii mielddisbuktá oktiiheivehit áŋgiruššama sámegiela joatkkaskuvladásis. 

 

 

- Advertisement -
-Almmuhus-