-Almmuhus-
MAGASIIDNAMearkabeaivi: Válbor 1.5.

Mearkabeaivi: Válbor 1.5.

-

-

Miessemánu 1. beaivi lea Válborbeaivi ja dan beaivvi dávjá riegáda vuosttaš miessi. 

Válborbeaivvi riegáda vuosttaš miessi.

Čuonji boahtá Sápmái beštor sealggis.

Boazosámit dadjet, ahte čuonji boahtá Válbor iđit ja beštor eahkedis.

Válbora maŋŋá bohtet goalsi, fiehta ja vuojaš. Válborbeaivvi dálkkit bistet oppa giđa, daddjo Deatnogáttis.

Juos čuonji oidno ovdal Válbora, de dálvedálkkit eai bistte guhká, dihtet anáraččat.

Válborbeaivvi borga deaivá miesi ja čuotnjága njunnái. Dat borga gohčoduvvo miesášborgan. Nuba oažžu dadjat ahte Válborbeaivi mearkkašii sámiide ođđa doaivvu eallimii: Garra dálvi lei meattá, áigi čuvggodan ja luondu runiidii.

Válborbeaivvi dahje veaháš ovdal ráhkkanišgohtet boazosámit vumiin, vuvddiin duoddariidda guottetsajiide.

Dolin Válboris álggii goddebivdu, mii bisttii mihcamáraide. 

Válbor lea don doloža rájes leamaš germánaid giđđaávvubeaivi. Dán áigge Válbor lea measta oppa máilmmi bargoolbmuid ávvu- ja friijabeaivi.

Gáldu: Heikkiarmas Lukkari, Sámi Áigi 30.04.1982.

-Almmuhus-