-Almmuhus-
-Almmuhus-
MAGASIIDNA Mearka­beaivi: Ruosmmes 3.5.

Mearka­beaivi: Ruosmmes 3.5.

-

-

Miessemánu 3. beaivi lea mearkabeaivi, ruosmmes. 

Jos ruosmmesbeaivvis njázuda, de geassu fargga. Muhto jos galbmá, čoaskimat bistet 40 beaivvi.

Ruosmmesbeaivvi álgá guottetáigi ja čuonji joavdá. Váldoguottet bistá boares ruosmmesbeaivái (16.5.).

Ruosmmes lea ruossabeaivi. Ruossabeaivin dat gohčoduvvo danne go dan beaivvi gávdnui Golgat ruossa, mas Jesus jámii.

Katolihkalaš girku oahpa mielde ruossabeaivi lea jámežiid johtaladdanbeaivi. Ruossabeaivvi ii oaččo oktage rieibmudit iige hállat, amaset jámežat ballát ja ráfehuddat oppa jagi.

Sámit dadje ahte ruosmmes buktá čuonjábierggu ja deatnogátte sámit dihte ahte dalle šaddá vuosttaš miessi. Oarjánat johttájedje ruosmmesis mearragáddái.

Gáldu: Heikkimaras Lukkari,  Sámi Áigi 30.04.1982.

-Almmuhus-